Ayol qismati

Turli bosimlar va yot g'oyalar ta'sirida hayoti izdan chiqqan ayol yaxshiroq hayot izlab yurtini tark etadi. Biroq bu yo'l uni asta-sekin xavfli muhit girdobiga tortadi. Turli mamlakatlar va og'ir qarorlar ortidan u ekstremistlar nazoratidagi hududga borib qoladi. Vatanidan uzoqda o'tgan yillar umid emas, balki og'ir sinovga aylanadi. Ishonilgan orzular birin-ketin barbod bo'ladi, "yorug' kelajak" o'rnini esa yo'qotishlar egallaydi - oila, erkinlik va osoyishtalikdan ayrilish hissi tobora kuchayadi. Bu taqdir faqat bir ayolning shaxsiy fojiasi bo'lib qolmay, shunga o'xshash sinovlarni boshdan kechirgan o'nlab ayollarning hayotini ham o'zida mujassam etadi. Oradan yillar o'tib, u vatandoshlarni qutqarish operatsiyasi doirasida O'zbekistonga qaytadi. Ammo bu qaytish hammasiga nuqta qo'ymaydi. Aksincha, hayotining yanada murakkab va og'riqli bosqichi boshlanadi. Endi u o'tmish jarohatlari, yo'qotishlar va hammasini qaytadan boshlash mumkinmi, degan savol bilan yuzlashishga majbur bo'ladi. Real voqealarga asoslangan bu hikoya adashish, tanlov va buning uchun to'lanadigan og'ir narx haqida. Dilmurod Masaidov filmi

https://www.youtube.com/watch?v=XF3eJpPJt9M · Rasmiy YouTube kanali: Uzbekkino

Telegram bot: 7833